आज प्रत्येकाच्या घरात वेगवेगळ्या प्रकारचे फर्निचर असते आणि बेडरूममध्ये तर साइड टेबल असतोच. बेडसाइड टेबलमुळे बेडरूमला सुंदर लुक मिळतो, हे खरे. पण झोपण्यापूर्वी त्यावर काही विशिष्ट वस्तू ठेवणे टाळावे. असे न केल्यास ते तुमच्या सुरक्षेसाठी धोकादायक ठरू शकते. सकाळी उठल्यावर वस्तू लवकर हाती लागाव्यात म्हणून अनेक जण टेबलवर काही ना काही ठेवतात. मात्र तिथल्या काही वस्तू आजच काढून टाकणे चांगले.
मोबाईल आणि लॅपटॉप उशीजवळ ठेवू नका
झोपताना मोबाईल फोन आणि लॅपटॉपसारखी उपकरणे उशीजवळ किंवा पलंगाच्या आसपास कधीही ठेवू नयेत. विशेषतः ती चार्जिंगला लावून अजिबात ठेवू नयेत. कधीकधी बॅटरी जास्त गरम झाल्यामुळे त्यात स्फोट झाल्याच्या घटना घडल्या आहेत. याशिवाय फोन जवळ असल्यामुळे येणाऱ्या नोटिफिकेशन्सच्या आवाजामुळे झोपेत व्यत्यय येऊ शकतो.
रात्रीचा खाऊ आणि घाणेरडे कपडे
अनेकांना रात्री भूक लागते आणि रात्री खाऊ खाण्याची सवय असते. हे आरोग्यासाठी हानिकारक ठरू शकते. दुसरीकडे, पलंगाजवळ अर्धवट खाल्लेला खाऊ तसाच ठेवला, तर तिथे मुंग्या, झुरळे आणि इतर लहान कीटक येऊ शकतात. तसेच पलंगाशेजारील खुर्ची किंवा फूटस्टूलला कपड्यांची टोपली समजणे थांबवले पाहिजे. ते खूप अस्वच्छ दिसते. रात्री घाणेरडे कपडे सोबत ठेवू नयेत. त्यातून येणाऱ्या दुर्गंधीमुळे त्रास होऊ शकतो. शिवाय सूक्ष्मजीवांच्या वाढीमुळे आरोग्यालाही हानी पोहोचू शकते.
अगरबत्ती, मेणबत्ती आणि अलार्म घड्याळ
बहुतेक लोकांना सुगंधित बेडरूम आवडते. म्हणून अनेक जण झोपताना अगरबत्ती किंवा सुगंधित मेणबत्त्या लावतात. परंतु झोपण्यापूर्वी त्या विझवणे महत्त्वाचे आहे, अन्यथा आग लागण्याचा धोका असतो. कधीकधी तीव्र सुगंध आणि बराच वेळ हळूहळू वर जाणारा धूर यामुळे श्वास घेण्यास त्रासही होऊ शकतो. जर बेडसाइड टेबलवर अलार्म घड्याळ ठेवले, तर त्यामुळेही झोपेत व्यत्यय येऊ शकतो. ते थोडे दूर ठेवले पाहिजे, जेणेकरून अलार्मचा आवाज ऐकू येईल, पण झोपेत असताना त्याच्या टिक-टिक आवाजाने त्रास होणार नाही. याशिवाय साइड टेबलवर काचेच्या किंवा कोणत्याही धारदार वस्तू ठेवणेही टाळावे. शांत झोप होणे फार गरजेचे आहे.
Leave a Reply