घराच्या परिसरात कोणते झाड लावावे आणि कोणते लावू नये, याबाबत वास्तुशास्त्रात अनेक मान्यता आहेत. काही झाडे अत्यंत पवित्र आणि शुभ मानली जातात, तर काही झाडांमुळे नकारात्मक ऊर्जा निर्माण होते, असा समज आहे. अशाच एका पवित्र झाडाबद्दल, म्हणजे बेलाच्या झाडाबद्दल वास्तुशास्त्रात काय सांगितले आहे, ते पाहू.
बेलाचे झाड का मानले जाते शुभ?
वास्तुशास्त्रानुसार घरात बेलाचे झाड लावणे अत्यंत शुभ मानले जाते. बेलाचे झाड भगवान महादेवांना अत्यंत प्रिय असल्याचे मानले जाते. बेलाची पानेही महादेवांना प्रिय आहेत. दररोज महादेवांना बेलाची पाने अर्पण करावीत, अशी मान्यता आहे. त्यामुळे महादेवांची कृपा राहते आणि त्यांच्या आशीर्वादाने जीवनातील संकटे दूर होतात, असे मानले जाते. बेलाच्या झाडामध्ये परिसरातील नकारात्मक शक्ती नष्ट करण्याची ताकद असल्याचेही मानले जाते. त्यामुळे घराच्या परिसरात बेलाचे झाड लावण्याचा सल्ला वास्तुशास्त्रात दिला जातो.
लावताना कोणती काळजी घ्यावी?
बेलाचे झाड लावताना एकच काळजी घ्यावी, असे सांगितले जाते. ते घराच्या अगदी समोर, म्हणजे मुख्य दरवाजासमोर असू नये. मुख्य दरवाजासमोर कोणताही अडथळा येऊ नये, ही त्यामागील भूमिका आहे. याशिवाय बेलाचे अनेक औषधी गुणधर्मही असल्याचे सांगितले जाते. बेलाच्या झाडापासून मोठ्या प्रमाणात ऑक्सिजनही मिळतो, असे मानले जाते.
वास्तुशास्त्रात काही झाडे घरात लावल्याने सकारात्मक ऊर्जा राहते आणि घरातील समस्या दूर होतात, अशी मान्यता आहे. तर काही झाडांमुळे महत्त्वाच्या कामांमध्ये अडथळे येतात, असेही सांगितले जाते. त्यामुळे कोणतेही झाड लावण्यापूर्वी त्याबाबतची माहिती जाणून घेणे योग्य ठरते.
Leave a Reply