लोकसभेतील विरोधी पक्षनेते आणि काँग्रेसचे खासदार राहुल गांधी सध्या अमेरिकेच्या दौऱ्यावर आहेत. या दौऱ्यादरम्यान दिलेल्या एका मुलाखतीत त्यांनी केंद्र सरकारबाबत मोठा दावा केला आहे. मोदी सरकारमधील काही मंत्री विरोधकांच्या संपर्कात असल्याचे गांधी यांनी म्हटले आहे.
गांधी यांच्या या दाव्यामुळे राजकीय वर्तुळात चर्चांना उधाण आले आहे. सरकारमधील मंत्र्यांबाबत विरोधी पक्षनेत्याने केलेले हे विधान सध्या चर्चेचा विषय ठरले आहे. या दाव्यावर सत्ताधारी पक्षाकडून काय प्रतिक्रिया येते, याकडेही लक्ष लागले आहे.
पुढील आठ महिन्यांत परिणाम दिसेल?
आपल्या दाव्यासोबतच राहुल गांधी यांनी पुढील आठ महिन्यांत याचा परिणाम दिसून येईल, असेही स्पष्ट केले आहे. त्यामुळे येत्या काळात देशाच्या राजकारणात काय घडामोडी घडतात, याकडे सर्वांचे लक्ष राहणार आहे. गांधी यांचा हा दावा आणि त्यांनी दिलेली आठ महिन्यांची मुदत यामुळे राजकीय चर्चांना नवी दिशा मिळाली आहे.
Leave a Reply