शुक्रवार, २० नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

कीर्तनकार चैतन्य महाराजांच्या मृत्यूबाबत पोलिसांची माहिती

जालना जिल्ह्यातील भोकरदन तालुक्यात कीर्तनकार चैतन्य महाराजांचा संशयास्पद मृत्यू झाला होता. पोलिसांच्या प्राथमिक निष्कर्षानुसार हा घातपात नसून आत्महत्या आहे.

कीर्तनकार चैतन्य महाराजांच्या मृत्यूबाबत पोलिसांची माहिती

काही दिवसांपूर्वी जालना जिल्ह्यातील भोकरदन तालुक्यातील अवघडराव सावंगी येथून एक धक्कादायक घटना समोर आली होती. प्रसिद्ध कीर्तनकार चैतन्य महाराज उर्फ दौलत महाराज सातपुते यांचा मृतदेह त्यांच्याच निवासस्थानी गळफास घेतलेल्या अवस्थेत आढळून आला होता. महाराजांच्या संशयास्पद मृत्यूमुळे संपूर्ण जिल्ह्यात मोठी खळबळ उडाली होती.

१४ नोव्हेंबरच्या रात्री महाराज कीर्तनावरून निवासस्थानी परतले होते. त्यानंतर १५ नोव्हेंबर रोजी त्यांच्या निवासस्थानी त्यांचा मृतदेह गळफास घेतलेल्या अवस्थेत आढळून आला. या प्रकरणात घातपाताचाही संशय व्यक्त करण्यात येत होता. मात्र आता या प्रकरणात पोलिसांना महत्त्वाची माहिती मिळाली आहे.

पोलिसांचा प्राथमिक निष्कर्ष

जालन्याच्या भोकरदन तालुक्यातील अवघडराव सावंगी येथील पाताळेश्वर मंदिराचे मठाधिपती चैतन्य महाराज उर्फ दौलत महाराज सातपुते यांच्या संशयास्पद मृत्यू प्रकरणात आता महत्त्वाची माहिती समोर आली आहे. महाराजांचा मृत्यू घातपातामुळे नव्हे, तर त्यांनी आत्महत्या केल्याचा पोलिसांचा प्राथमिक निष्कर्ष आहे.

शवविच्छेदन अहवालानुसारही घातपाताची शक्यता नसल्याचे डॉक्टरांनी स्पष्ट केल्याची माहिती पोलिसांनी दिली आहे. आत्महत्येच्या वेळी महाराजांनी खोलीला आतून कडी लावली होती, असे प्रत्यक्षदर्शींच्या जबाबात असल्याचेही पोलिसांनी सांगितले आहे.

मोबाईलचे कॉल रेकॉर्ड तपासले जाणार

दरम्यान, महाराजांचा मोबाईल विहिरीत सापडल्याने या प्रकरणातील गूढ अधिक वाढले होते. आता या मोबाईलचे कॉल डिटेल रेकॉर्ड म्हणजेच सीडीआर तपासण्यास पोलिसांनी सुरुवात केली आहे. महाराजांच्या संपर्कात कोण होते आणि मृत्यूपूर्वी त्यांचे कोणाशी बोलणे झाले होते, याचा तपास केला जाणार आहे.

आत्महत्या झाल्याचा प्राथमिक निष्कर्ष असला, तरी महाराजांनी हे टोकाचे पाऊल का उचलले, याचे कारण शोधण्याचे आव्हान आता पोलिसांसमोर असणार आहे.

अभी जाधव

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance