शुक्रवार, २० नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

पुण्यातील खाऊ गल्लीवर एफडीएची कारवाई, ८ दुकाने बंद

पुण्यातील जंगली महाराज रस्त्यावरील खाऊ गल्लीत अन्न आणि औषध प्रशासनाने मोठी कारवाई केली आहे. १७ दुकानांची तपासणी करण्यात आली असून, परवाना नसलेल्या ८ दुकानांना बंद करण्याच्या नोटिसा देण्यात आल्या आहेत.

पुण्यातील खाऊ गल्लीवर एफडीएची कारवाई, ८ दुकाने बंद

पुण्यातील खाऊ गल्ल्यांमधील खाद्यपदार्थांच्या दर्जावर आणि स्वच्छतेवर अन्न आणि औषध प्रशासनाने लक्ष केंद्रित केले आहे. जंगली महाराज रस्त्यावरील खाऊ गल्लीत प्रशासनाकडून विशेष तपासणी मोहीम राबवण्यात आली. या मोहिमेत एकूण १७ अन्न विक्रीच्या दुकानांची तपासणी करण्यात आली. त्यापैकी नियमांचे पालन न करणाऱ्या दुकानांवर कारवाई करण्यात आली आहे.

जंगली महाराज मंदिरासमोर तसेच एन.सी.आर. हॉटेल परिसरात ही मोहीम राबवण्यात आली. तपासणीदरम्यान ८ दुकानांकडे अन्न व्यवसायासाठी आवश्यक असलेला वैध परवाना किंवा नोंदणी नसल्याचे आढळले. त्यामुळे या आठही दुकानांना तात्काळ व्यवसाय बंद करण्याच्या नोटिसा देण्यात आल्या आहेत. तसेच प्रत्येक आस्थापनावर ३० हजार रुपयांचा दंड आकारण्याची कारवाई प्रस्तावित करण्यात आली आहे.

कोणत्या दुकानांवर कारवाई?

श्रीनाथ पिझ्झा अँड सँडविचेस, राज चायनीज फास्ट फूड, हिंदवी स्वराज्य, एव्हरेस्ट मोमोज, जय मल्हार भुर्जी सेंटर, शोरमा सेंटर, उत्कर्ष मंडळ लव्ह ज्यूस पॉईंट, साई ज्यूस, मिल्कशेक अँड सरबत सेंटर या दुकानांवर कारवाई करण्यात आली आहे.

याशिवाय स्वच्छतेच्या नियमांचे उल्लंघन केल्याप्रकरणी सुमित कुमार, जे. एम. वडापाव स्नॅक्स, हॅप्पी फॅमिली रेस्टॉरंट, श्री सद्गुरू हिंदवी स्वराज्य स्पेशल तुपातील साबुदाणा वडे, जे. एम. पावभाजी कॉर्नर आणि श्री कृष्णा दिल्ली चाट अँड पाणीपुरी सेंटर या दुकानांवरही कारवाई करण्यात आली आहे. त्याचप्रमाणे सहा जणांचे अन्न व्यवसाय परवाने तात्काळ निलंबित करण्यात आले आहेत.

वैशाली आणि रूपाली हॉटेलवरही कारवाई

यापूर्वीही प्रशासनाने पुण्यातील शिवाजीनगर परिसरातील फर्ग्युसन कॉलेज रस्त्यावरील प्रसिद्ध वैशाली आणि रूपाली हॉटेलवर कारवाई केली होती. अन्न सुरक्षा आणि मानकं कायद्याचे गंभीर उल्लंघन आढळल्याने या दोन्ही हॉटेलचे अन्न व्यवसाय परवाने तात्काळ निलंबित करण्यात आले होते.

अभी जाधव

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance