अलिबागमध्ये रस्त्याच्या कामामुळे निर्माण झालेल्या वाहतूक कोंडीने एका दीड वर्षांच्या चिमुरड्याचा जीव घेतला आहे. जिल्हा रुग्णालयाकडे नेत असताना बेलकडे ते अलिबाग या मार्गावर झालेल्या कोंडीत आरांश ठाकूर याने रुग्णवाहिकेतच प्राण सोडले.
## रुग्णवाहिकेतच प्राण सोडले
आरांशला तातडीने जिल्हा रुग्णालयात नेण्याची गरज होती. मात्र रस्त्याच्या कामामुळे बेलकडे ते अलिबागदरम्यान वाहनांची मोठी रांग लागली होती. या कोंडीत अडकलेल्या रुग्णवाहिकेतच चिमुरड्याचा मृत्यू झाला. वेळेत रुग्णालय गाठता न आल्याने एका निष्पाप जीवाचा बळी गेला आहे.
## आपत्कालीन सेवेवर प्रश्नचिन्ह
या घटनेमुळे अलिबागमधील आपत्कालीन आरोग्यसेवेवर गंभीर प्रश्नचिन्ह निर्माण झाले आहे. राज्यात रस्त्यांवरील खड्ड्यांमुळे अनेकांना जीव गमवावा लागला आहे. खड्ड्यांमुळे होणाऱ्या अपघातांची मालिका थांबली असली, तरी वाहतूक कोंडीची समस्या मात्र कायम आहे. रस्त्याची कामे सुरू असताना वाहतूक सुरळीत ठेवण्याची जबाबदारी कोणाची, असा सवाल आता उपस्थित होत आहे.
Leave a Reply