मुख्यमंत्री माझी लाडकी बहीण योजनेच्या लाभार्थी महिलांसाठी महत्त्वाची माहिती समोर आली आहे. दरमहा १५०० रुपये मिळणाऱ्या या योजनेचा ऑक्टोबर आणि नोव्हेंबर महिन्याचा हप्ता अजूनही महिलांच्या बँक खात्यात जमा झालेला नाही. त्यामुळे राज्यातील लाखो महिलांचे लक्ष हप्त्याकडे लागले आहे.
हप्ता का रखडला?
राज्याच्या काही भागांमध्ये दुष्काळी परिस्थिती असल्याने सरकारने शेतकऱ्यांसाठी सरसकट ५ हजार रुपयांची मदत जाहीर केली आहे. त्यामुळे इतर योजनांच्या निधीचेही नियोजन सुरू असल्याची चर्चा आहे. याच कारणामुळे लाडकी बहीण योजनेचा हप्ता रखडल्याचे सांगितले जात आहे.
२८ नोव्हेंबरपर्यंत पैसे न आल्यास ३००० रुपये?
जर लाभार्थी महिलांच्या खात्यात २८ नोव्हेंबरपर्यंत ऑक्टोबरचा हप्ता जमा झाला नाही, तर ऑक्टोबर आणि नोव्हेंबर या दोन्ही महिन्यांचे मिळून ३००० रुपये एकत्र मिळण्याची शक्यता वर्तवली जात आहे. आजच्या मंत्रिमंडळ बैठकीत हप्त्याच्या निधीबद्दल काही निर्णय होतो का, याकडे महिलांचे लक्ष लागले आहे. मात्र ३००० रुपये एकत्र मिळण्याबाबत सरकारकडून अजून कोणताही अधिकृत आदेश आलेला नाही.
ई-केवायसी सुरू, पण पहिल्याच दिवशी अडचणी
लाडकी बहीण योजनेची ई-केवायसी प्रक्रिया १६ नोव्हेंबरपासून अधिकृत संकेतस्थळावर सुरू झाली आहे. पण पहिल्याच दिवशी महिलांना तांत्रिक अडचणींना सामोरे जावे लागले. आधार क्रमांक टाकल्यानंतर अनेक महिलांच्या नोंदणीकृत मोबाइल क्रमांकावर ओटीपी येत नसल्याच्या तक्रारी समोर आल्या. एकाच वेळी मोठ्या संख्येने महिलांनी लॉगिन केल्यामुळे सर्व्हरवर जास्त भार आल्याचे सांगितले जात आहे. त्यामुळे संकेतस्थळावरील तांत्रिक समस्या तातडीने दूर कराव्यात, अशी मागणी होत आहे.
Leave a Reply