‘बाहुबली’ सिनेमात शिवगामी देवी या भूमिकेला योग्य न्याय देणारी अभिनेत्री राम्या कृष्णन कायम कोणत्या ना कोणत्या कारणामुळे चर्चेत असते. आता देखील राम्याने मोठा आणि थक्क करणारा खुलासा केला आहे. नुकताच झालेल्या एका मुलाखतीत राम्याने जुन्या दिवसांबद्दल हैराण करणारा खुलासा केला आहे. पूर्वी शुटिंगच्या सेटवर कोणत्या सुविधा मिळायच्या, याबद्दल अभिनेत्रीने मोठा खुलासा केला आहे. पूर्वी सेलिब्रिटींना कोणत्याच सुविधा मिळाल्या नाहीत.
सेटवर कोणत्याच सुविधा नव्हत्या
राम्या म्हणाली, ‘काही वर्षांपूर्वी सेलिब्रिटींना प्रायव्हसी, कपडे बदलण्यासाठी जागा आणि वॉशरुमसारख्या सुविधा देखील नव्हत्या.’ जुने दिवस आठवत अभिनेत्री पुढे म्हणाली, ‘ॲम्बेसेडरमध्ये बसून बाटलीत लघवी करायला लागायची, कारण त्यावेळी सेटवर व्हॅनिटी व्हॅनच नसायची आणि वॉशरुम देखील नसायचे.’
गाडीतच मेकअप करायची
राम्या हिने असेही सांगितले की, अनेकदा वेळ वाचवण्यासाठी ती प्रवासात असताना, एका शूटिंगच्या ठिकाणाहून दुसऱ्या ठिकाणी जाताना, गाडीतच स्वतःचा मेकअप करून घ्यायची. त्या काळी तिच्यासोबत मेकअप आर्टिस्टही नसायचा.
आजच्या काळातील कलाकारांना पूर्वीच्या कलाकारांच्या तुलनेत अधिक सोयीसुविधा मिळतात का, असं विचारल्यावर ती हसून म्हणाली की, आजचे कलाकार खरोखरच नशीबवान आहेत. आजच्या काळाची तुलना तिच्या सुरुवातीच्या दिवसांशी करताना तिने नमूद केलं की, आजच्या कलाकारांना त्या काळातील कलाकारांच्या तुलनेत, पूर्वी कलाकारांना कोणत्याच सुविधा नव्हत्या.
Leave a Reply