मंगळवार, १७ नोव्हेंबर २०२६ ▶
वेगवान महाराष्ट्र महाराष्ट्राच्या ताज्या बातम्या

भगवद्गीता श्लोक पठण स्पर्धा; डिसेंबर-जानेवारीत आयोजन

उल्हासनगरमध्ये डिसेंबर व जानेवारीमध्ये भगवद्गीता श्लोक पठणाची भव्य स्पर्धा होणार आहे. वयोमर्यादा नसल्याने सर्व वयोगटांतील स्पर्धकांना सहभागाची संधी मिळणार आहे.

भगवद्गीता श्लोक पठण स्पर्धा; डिसेंबर-जानेवारीत आयोजन

उल्हासनगरमध्ये श्रीमद्भगवद्गीतेच्या ज्ञानाची गोडी नव्या पिढीला लागावी, संस्कृत भाषेची आवड निर्माण व्हावी आणि विद्यार्थ्यांमध्ये शुद्ध उच्चारांसह श्लोकपठणाची परंपरा रुजावी, या उद्देशाने भगवद्गीता श्लोक पठण स्पर्धा घेण्यात येणार आहे. संस्कृत भाषा संस्था आणि अखिल भारतीय कीर्तन संस्था यांच्या संयुक्त विद्यमाने ही स्पर्धा आयोजित करण्यात आली असून, वयोमर्यादा नसल्याने सर्वांनाच सहभागाची संधी मिळणार आहे.

डिसेंबर व जानेवारीत स्पर्धा

डिसेंबर व जानेवारीमध्ये होणाऱ्या या स्पर्धेत शालेय विद्यार्थ्यांपासून महाविद्यालयीन तरुणांपर्यंत, तसेच संस्कृतप्रेमी नागरिकांनाही सहभागी होता येणार आहे. स्पर्धेसाठी पाच गट निश्चित केले असून, पहिली-दुसरीच्या विद्यार्थ्यांना १०, तिसरी-चौथीच्या विद्यार्थ्यांना १५, पाचवी ते सातवीच्या विद्यार्थ्यांना २०, आठवी ते दहावी व महाविद्यालयीन विद्यार्थ्यांना २०, तर खुल्या गटातील स्पर्धकांना २५ श्लोक म्हणावे लागणार आहेत.

नियम व नावनोंदणी

स्पर्धकांनी भगवद्गीतेच्या चौदाव्या अध्यायातील श्लोक सलग, शुद्ध आणि स्पष्ट उच्चारांत सादर करणे आवश्यक आहे. प्रत्येक गटात चार पारितोषिके देण्यात येणार असून, सर्व सहभागी स्पर्धकांना प्रमाणपत्र मिळणार आहे. स्पर्धेचे प्रवेशशुल्क ४० रुपये असून, ते स्पर्धेच्या ठिकाणी जमा करावे लागणार आहे. नावनोंदणीची अंतिम मुदत ३० नोव्हेंबर जाहीर करण्यात आली आहे. अधिक माहितीसाठी मंजुषा बुरुजवाले, अर्चना वाणी आणि भारती महाजन यांच्याशी संपर्क साधण्याचे आवाहन आयोजकांनी केले आहे.

समृद्धी जगताप

Similar Posts

View All

Leave a Reply

Your email address will not be published. Required fields are marked *

ही वेबसाइट AI सहाय्याने व्यवस्थापित केली जाते · This website is managed with AI assistance