पंजाबच्या फाजिल्का जिल्ह्यात एक भीषण अपघात झाला आहे. लग्नाहून घराकडे परतणाऱ्या कुटुंबाच्या वाहनाला अपघात झाला. एसयूव्ही आणि पिकअप व्हॅनची समोरासमोर धडक झाली. या अपघातात पाच जणांचा जागीच मृत्यू झाला आहे. मृतांमध्ये तीन लहान मुलांचा समावेश आहे. अपघातात नऊ जण गंभीर जखमी झाले आहेत.
लग्नाहून परतताना काळाचा घाला
मृत हे फाजिल्का येथील कर्णी खेरी गावचे रहिवासी होते. ते जलालाबादमधील तिवाना कलान गावात एका लग्नाला गेले होते. लग्नाहून घराकडे परत येत असताना थेह कलंदर गावाजवळ हा अपघात झाला. अचानक झालेल्या धडकेने दोन्ही वाहनांचे मोठे नुकसान झाले.
जखमींवर उपचार सुरू
अपघातानंतर जखमींना जवळच्या रुग्णालयात उपचारासाठी दाखल करण्यात आले आहे. नऊ जण गंभीर जखमी असल्याने त्यांच्यावर उपचार सुरू आहेत. या घटनेमुळे कर्णी खेरी गावात शोककळा पसरली आहे.
Leave a Reply