जळगाव शहरात बारी समाजातील विवाहयोग्य तरुण-तरुणींची एकमेकांशी ओळख व्हावी आणि विवाह जुळवण्याची प्रक्रिया सुलभ व्हावी, या हेतूने आयोजित करण्यात आलेला वधू-वर परिचय मेळावा रविवारी उत्साहात पार पडला. नागवेल प्रतिष्ठानच्या वतीने या कार्यक्रमाचे आयोजन करण्यात आले होते.
खोटेनगर स्टॉप परिसरातील दीपलक्ष्मी मंगल कार्यालयात झालेल्या या मेळाव्याला समाजातील विवाहयोग्य वधू-वर, त्यांचे पालक, विविध क्षेत्रांतील मान्यवर आणि समाजबांधव मोठ्या संख्येने उपस्थित होते. या वेळी प्रकाशित करण्यात आलेल्या पुस्तिकेत २७० उपवर-वधूंची नोंदणी झाली. मेळाव्याचे उद्घाटन महापौर दीपमाला काळे यांच्या हस्ते झाले. तसेच नागवेल प्रतिष्ठानच्या उपवधू-वर सूचीचेही प्रकाशन करण्यात आले. यंदा या मेळाव्याचे १६वे वर्ष होते.
मान्यवरांची उपस्थिती
या कार्यक्रमाला प्रमुख पाहुणे म्हणून खासदार स्मिता वाघ, नगरसेवक विशाल भोळे, नगरसेविका माधुरी बारी, माजी नगरसेविका शोभा बारी, यावलचे नगरसेवक सुनील शिनकर, नगरसेविका वैशाली बारी, नागवेल प्रतिष्ठानचे संस्थापक अध्यक्ष प्रा. डॉ. नितीन बारी, प्रतिष्ठानचे अध्यक्ष शरद वराडे, उपाध्यक्ष योगेश येऊल आणि सचिव प्रकाश रोकडे उपस्थित होते. कार्यक्रमाचे सूत्रसंचालन प्रा. दीपक बारी व संगीता बारी यांनी केले.
Leave a Reply