पंढरपूरच्या वारीसाठी भक्तिभावाने निघालेल्या एका वारकऱ्याचा रस्ते अपघातात दुर्दैवी मृत्यू झाला आहे. सांगली जिल्ह्यातील मिरज तालुक्यात असलेल्या भोसे फाटा येथे पहाटेच्या सुमारास ही घटना घडली. उत्तम बाबासो पाटील असे मृत्यू झालेल्या वारकऱ्याचे नाव आहे.
पहाटेच्या सुमारास अज्ञात वाहनाची धडक
विठुरायाच्या दर्शनासाठी पंढरपूरकडे निघालेल्या उत्तम बाबासो पाटील यांना वाटेत अज्ञात वाहनाने जोरदार धडक दिली. या धडकेत त्यांचा घटनास्थळीच मृत्यू झाला. पहाटेच्या अंधारात झालेल्या या अपघातामुळे परिसरात हळहळ व्यक्त केली जात आहे.
पोलीस घटनास्थळी दाखल
अपघाताची माहिती मिळताच मिरज ग्रामीण पोलीस आणि महामार्ग पोलिसांनी तातडीने घटनास्थळी धाव घेतली. अज्ञात वाहनाचा शोध घेण्याचे काम पोलिसांकडून सुरू आहे. वारीसाठी निघालेल्या वारकऱ्याच्या अशा मृत्यूमुळे भक्तांमध्ये आणि परिसरात शोककळा पसरली आहे.
Leave a Reply