पुण्यातील ऐतिहासिक नूमवी प्रशालेत एका चित्रपटाच्या चित्रीकरणावरून मोठा वाद निर्माण झाला आहे. शाळेच्या आवारात पाकिस्तानचे झेंडे लावण्यात आल्याने माजी विद्यार्थी आणि शहरातील नागरिकांमध्ये संतापाची लाट उसळली आहे.
मिळालेल्या माहितीनुसार, ‘जय श्री राम’ या चित्रपटाचे चित्रीकरण सध्या या शाळेत सुरू आहे. चित्रीकरणासाठी शाळेला पाकिस्तानचे स्वरूप देण्यात आले असून कराची शहर साकारण्यात आले आहे. याच दरम्यान शाळेचे संस्थापक विष्णुशास्त्री चिपळूणकर यांचा पुतळा झाकून त्या ठिकाणी पाकिस्तानचा झेंडा लावण्यात आला.
माजी विद्यार्थ्यांमध्ये नाराजी
शाळेच्या ऐतिहासिक वास्तूला असे स्वरूप दिल्याने माजी विद्यार्थ्यांनी तीव्र नाराजी व्यक्त केली आहे. संस्थापकांचा पुतळा झाकणे हे अपमानास्पद असल्याची भावना अनेकांनी व्यक्त केली. शहरातील नागरिकांनीही या प्रकारावर आक्षेप घेतला आहे.
सोशल मीडियावर तीव्र प्रतिक्रिया
या घटनेचे फोटो आणि व्हिडिओ सोशल मीडियावर पसरल्यानंतर त्यावर तीव्र प्रतिक्रिया उमटत आहेत. अनेकांनी चित्रीकरणाच्या या पद्धतीवर प्रश्नचिन्ह उपस्थित केले असून हा वाद सध्या चर्चेचा विषय ठरला आहे.
स्रोत: मूळ बातमी
Leave a Reply