दिवाळीचा आनंद संगीताच्या सुरांनी द्विगुणित करत हिंगोलीतील गायक आणि संगीतप्रेमींनी ‘पुनश्च हरिः ओम’ या स्नेहमेळाव्याच्या माध्यमातून एक अनोखा उपक्रम राबवला. संगीत साधना विद्यालयाच्या संस्थापिका, गायिका आणि संगीत शिक्षिका अनुराधाताई नांदेडकर यांना संगीत साधनांची अनोखी दिवाळी भेट देऊन त्यांच्या संगीत साधनेप्रती असलेल्या योगदानाचा सन्मान करण्यात आला.
‘अनादी मी, अनंत मी’ने सुरुवात
स्वातंत्र्यवीर सावरकर यांच्या ‘अनादी मी, अनंत मी’ या अजरामर गीताने कार्यक्रमाची सुरुवात झाली. यावेळी संगीत साधना विद्यालयाचे विद्यार्थी कुशल यंबल, अमृता भालेराव आणि ज्योत्स्ना लखमवार यांनी कराओकेच्या माध्यमातून विविध गीते सादर केली. नव्या संगीत साधनांच्या साथीने सादर झालेल्या सुरेल गीतांनी उपस्थित रसिक मंत्रमुग्ध झाले.
या उपक्रमासाठी सतीश विडोळकर, लक्ष्मीकांत शिरडकर, नितीन कामतीकर, नंदकिशोर भालेराव, संजय घवाड, संतोष डोईफोडे, नितीन बेले, अमृता भालेराव आणि ज्योत्स्ना लखमवार यांनी पुढाकार घेतला. डॉ. किसन लखमवार, डॉ. जवळेकर, डॉ. संजय नाकाडे आणि कैलास असेगावकर यांचेही योगदान लाभले. महेश पेंडके यांनी सूत्रसंचालन केले, तर डॉ. गोविंद भालेराव आणि शैलेश नांदेडकर यांनी कार्यक्रमासाठी पुढाकार घेतला.
स्रोत: मूळ बातमी
Leave a Reply