सध्या कृत्रिम बुद्धिमत्तेचा वापर इतका सामान्य झाला आहे की, ज्यांना व्हिडीओ संपादनाचं काहीच ज्ञान नाही, अशी मंडळीही एआय साधनांच्या मदतीने चित्रपटातील दृश्यालाही मागे टाकतील असे भन्नाट व्हिडीओ तयार करत आहेत. असाच एक व्हिडीओ सध्या सोशल मीडियावर प्रचंड चर्चेत आहे.
या व्हिडीओत एका गावात चक्क आकाशातून सापांचा पाऊस पडताना दाखवण्यात आलं आहे. आकाशातून मोठ्या संख्येने साप खाली कोसळताना दिसतात आणि त्यांना पाहून गावातील लोक घाबरून सैरावैरा पळताना दिसत आहेत. एवढंच नाही, तर हे साप थेट लोकांवर हल्ला करण्याच्या तयारीत असल्याचंही त्यात चित्रित करण्यात आलं आहे. त्यामुळे पहिल्यांदाच हा व्हिडीओ पाहणाऱ्यांच्या अंगावर काटा आल्याशिवाय राहत नाही.
व्हिडीओमागचं सत्य काय?
मात्र, या व्हिडीओमागचं सत्य काही वेगळंच आहे. हा व्हिडीओ प्रत्यक्षातील घटना नसून कृत्रिम बुद्धिमत्तेच्या मदतीने तयार करण्यात आल्याचं सांगितलं जात आहे. हा व्हिडीओ एका पाकिस्तानी वापरकर्त्याने तयार केल्यामुळे सोशल मीडियावर त्याची चांगलीच चर्चा रंगली आहे.
हा व्हिडीओ laughtercolours या इन्स्टाग्राम खात्यावरून शेअर करण्यात आला आहे. आतापर्यंत हा व्हिडीओ २९ लाखांहून अधिक वेळा पाहिला गेला आहे. त्यावर अनेकांनी विविध प्रकारच्या मजेशीर प्रतिक्रियाही दिल्या आहेत.
नेटकऱ्यांच्या मजेशीर प्रतिक्रिया
एका वापरकर्त्याने म्हटलं आहे की, अखेर पाकिस्तानी लोकांनाही एआयचा वापर कसा करायचा हे समजलं. दुसऱ्या एका प्रतिक्रियेत म्हटलं आहे की, बॉम्ब तयार करण्याचे पैसे संपल्यामुळे आता असे व्हिडीओ तयार केले जात आहेत. आणखी एका वापरकर्त्याने पाकिस्तानची फिरकी घेत म्हटलं आहे की, अखेर त्यांना एआयबद्दल माहिती मिळालीच. तर एका वापरकर्त्याच्या मते, अखेर कुणा पाकिस्तानी व्यक्तीला एआयचं प्रीमियम सबस्क्रिप्शन मिळालं. अशा मजेशीर प्रतिक्रियांमुळे हा व्हिडीओ आणखीच चर्चेत आला आहे.
स्रोत: मूळ बातमी
Leave a Reply