अमरावती : महसूल मंत्री चंद्रशेखर बावनकुळे यांनी अमरावतीत काँग्रेसचे खासदार बळवंत वानखडे यांचे नाव न घेता त्यांच्यावर जोरदार टीका केली. समाजाच्या शेवटच्या घटकाला न्याय देऊ न शकणाऱ्या निष्क्रिय लोकांना घरी पाठवले पाहिजे, असे बावनकुळे म्हणाले. अशा लोकांना पदावर राहण्याचा अधिकार नाही, असा टोलाही त्यांनी लगावला. अमरावती लोकसभा मतदारसंघाची जागा भाजप जिंकल्याशिवाय राहणार नाही, अशी घोषणाही त्यांनी यावेळी केली.
२०२९ मध्ये नवनीत राणा यांना पुन्हा विजयी करणार
२०२९ मध्ये निष्क्रिय लोकांना घरी पाठवून नवनीत राणा यांना पुन्हा या लोकसभेमध्ये प्रचंड बहुमताने विजयी करणार आहोत, असेही बावनकुळे यांनी सांगितले. अमरावती लोकसभा मतदारसंघात २०२४ च्या निवडणुकीत नवनीत राणा यांचा पराभव झाला होता. त्यावेळी काँग्रेसचे बळवंत वानखडे विजयी झाले होते. त्या पार्श्वभूमीवर बावनकुळे यांच्या या विधानाला राजकीय महत्त्व प्राप्त झाले आहे.
स्रोत: मूळ बातमी
Leave a Reply