मुंबईतील कुर्ला परिसरात हलाव पुलाजवळ गोळीबार झाल्याची धक्कादायक घटना घडली आहे. या गोळीबारात विनोद मल्लपा पवार यांचा मृत्यू झाला आहे. घटनेनंतर परिसरात तणावाचे वातावरण निर्माण झाले असून, पवार कुटुंबीयांनी व्ही. बी. नगर पोलीस ठाण्यासमोर ठिय्या आंदोलन सुरू केले आहे.
सहा महिन्यांत दुसरी घटना
विनोद पवार यांचे भाऊ बाबा पवार यांची सहा महिन्यांपूर्वी अशाच प्रकारे गोळ्या झाडून हत्या करण्यात आली होती. त्यानंतर आता दुसऱ्या भावाचाही गोळीबारात मृत्यू झाल्याने कुटुंबावर दुःखाचा डोंगर कोसळला आहे. सहा महिन्यांच्या कालावधीत एकाच कुटुंबातील दोन सख्ख्या भावांचा अशा प्रकारे मृत्यू झाल्याने परिसरातही खळबळ उडाली आहे.
पोलीस ठाण्यासमोर ठिय्या
दुसऱ्या भावाचाही मृत्यू झाल्याने पवार कुटुंब संतप्त झाले आहे. कुटुंबीयांनी व्ही. बी. नगर पोलीस ठाण्यासमोर प्रचंड गोंधळ घालत ठिय्या आंदोलन सुरू केले आहे. कुटुंबीयांच्या या आंदोलनामुळे पोलीस ठाण्याबाहेर तणावाचे वातावरण निर्माण झाले आहे. या घटनेमुळे कुर्ला परिसरातील सुरक्षेचा प्रश्नही पुन्हा एकदा ऐरणीवर आला आहे.
स्रोत: मूळ बातमी
Leave a Reply