जिओची खास ऑफर; एका रिचार्जवर दुसरा रिचार्ज मोफत मिळणार

मोबाईल रिचार्जचे दर सातत्याने वाढत असताना जिओने आपल्या ग्राहकांसाठी एक खास ऑफर आणली आहे. या ऑफरअंतर्गत ग्राहकांनी एक रिचार्ज केल्यास त्यावर दुसरा रिचार्ज मोफत मिळणार आहे. त्यामुळे जिओच्या ग्राहकांसाठी ही बातमी दिलासा देणारी ठरू शकते.

२९९ आणि ३४९ रुपयांच्या प्लॅनमध्ये काय मिळणार?

या ऑफरमध्ये २९९ रुपयांच्या प्लॅनवर दररोज १.५ जीबी डेटा, अमर्यादित व्हॉईस कॉलिंग आणि दररोज १०० मेसेज मिळणार आहेत. या प्लॅनची वैधता २८ दिवस आहे. याशिवाय जिओ टीव्ही आणि जिओ एआय क्लाउडचा लाभही मिळणार आहे. तर ३४९ रुपयांच्या प्लॅनवर दररोज २ जीबी डेटा, अमर्यादित कॉलिंग आणि दररोज १०० मेसेज मिळतात. या प्लॅनची वैधताही २८ दिवस आहे. यामध्ये जिओ हॉटस्टार मोबाईल सबस्क्रिप्शन, जिओ एआय क्लाउडमध्ये ५० जीबी स्टोरेज, जिओ टीव्ही आणि १२ महिन्यांचं कॅनव्हा प्रो लाईट सबस्क्रिप्शन यांसारखे फायदे मिळणार आहेत.

मोफत रिचार्ज कसा मिळवायचा?

मोफत रिचार्ज मिळवण्यासाठी सर्वप्रथम तुमच्या जिओ नंबरवर कंपनीकडून मेसेज आला आहे का, हे तपासा. त्यानंतर माय जिओ अॅप उघडून संबंधित नंबरवर लॉगिन करा. मेसेजमध्ये सांगितलेल्या प्लॅनची निवड करून अॅपमधूनच रिचार्ज करा. रिचार्ज पूर्ण झाल्यानंतर मिळणारा मोफत प्लॅन व्हाउचरच्या स्वरूपात दिला जातो. मात्र लक्षात ठेवा, ही ऑफर निवडक ग्राहकांसाठीच आहे. तुमच्या नंबरवर ऑफरचा मेसेज किंवा माय जिओ अॅपमध्ये त्याची माहिती दिसत नसेल, तर केवळ ऑफरच्या अपेक्षेने रिचार्ज करू नका. रिचार्ज करण्यापूर्वी अॅपमध्ये दाखवलेल्या अटी तपासूनच पुढे जा.

स्रोत: मूळ बातमी