प्रसिद्ध पाकिस्तानी अभिनेत्री किरण खान पुन्हा एकदा तिच्या खासगी आयुष्यामुळे चर्चेत आली आहे. वयाच्या ५१ व्या वर्षी तिने तिसरा संसार थाटला आहे. पाकिस्तानी उद्योजक मिर्झा इश्तियाक बेग यांच्यासोबत तिने मक्कामध्ये साध्या पद्धतीने निकाह केला. व्यावसायिक आयुष्यात तिला यश मिळालं, मात्र खासगी आयुष्यात तिला अनेक चढ-उतारांचा सामना करावा लागला, अशी चर्चा सध्या रंगली आहे.
कलाकार त्यांच्या कामापेक्षा अनेकदा खासगी आयुष्यामुळे अधिक चर्चेत राहतात. किरण खान यांच्या बाबतीतही तसंच घडलं आहे. तिसऱ्या लग्नाची बातमी समोर आल्यानंतर सर्वत्र तिच्याच खासगी आयुष्याची चर्चा सुरू झाली आहे.
लग्न आणि हनीमूनबद्दल तिचं स्पष्ट मत
एका कार्यक्रमात किरण खान हिने लग्नाबद्दल आपलं मत मांडलं. लग्न म्हणजे फक्त हनीमूनच्या दिवसांसारखं असतं, असा अनेकांचा गैरसमज असतो, असं ती म्हणाली. त्या काळात सगळं काही छान दिसतं आणि दोघांमध्ये फक्त प्रेम असतं, असं वाटतं. कमी वयात लग्न केल्यावर अशा भावना मनात येतात, असंही तिने सांगितलं.
प्रत्यक्षात लग्नानंतरचा सुरुवातीचा काळ हा एकमेकांशी जुळवून घेण्याचा टप्पा असतो, असं तिचं म्हणणं आहे. भिन्न विचारसरणी असलेली दोन माणसं एकत्र राहू लागतात, तेव्हा हा टप्पा येतोच. या काळात एकमेकांच्या चांगल्या आणि वाईट गोष्टी समजून घेता येतात. एकदा एकमेकांना नीट समजून घेतलं, की मग त्या टप्प्याचा खऱ्या अर्थाने आनंद घेता येतो, असं ती म्हणाली.
संवाद कधीही थांबवू नका
लग्न टिकवण्यासाठी संवाद महत्त्वाचा असल्याचंही किरण खान हिने सांगितलं. आपले विचार आणि भावना नेहमी शांतपणे आणि मोकळ्या मनाने व्यक्त केल्या पाहिजेत, असा तिचा सल्ला आहे. हनीमूनच्या काळाकडे जुळवून घेण्याचा टप्पा म्हणून पाहिलं पाहिजे, असं तिचं मत आहे.
स्रोत: मूळ बातमी
Leave a Reply