आज ६ नोव्हेंबर रोजी हिंदी चित्रपटसृष्टीतील ज्येष्ठ अभिनेते संजीव कुमार यांची पुण्यतिथी आहे. संजीव कुमार यांचे मूळ नाव हरिहर जेठालाल जरीवाला असे होते. ते हिंदी चित्रपटसृष्टीतील अत्यंत प्रतिभावान आणि लोकप्रिय अभिनेते होते. त्यांनी आपल्या कारकिर्दीत शोल, कोशिश, आंधी, अंगूर आणि त्रिशूल यांसारख्या अनेक संस्मरणीय चित्रपटांमध्ये अप्रतिम भूमिका साकारल्या.
वयाच्या मानाने वृद्धाची किंवा गंभीर स्वभावाच्या व्यक्तीची भूमिका ताकदीने साकारण्याची त्यांची हातोटी अनोखी होती. त्यासाठी त्यांना दोनदा राष्ट्रीय चित्रपट पुरस्काराने सन्मानित करण्यात आले. ६ नोव्हेंबर १९८५ रोजी अल्पशा आजाराने वयाच्या अवघ्या ४७ व्या वर्षी त्यांचे निधन झाले. दर्जेदार अभिनयामुळे ते आजही रसिकांच्या स्मरणात अमर आहेत.
६ नोव्हेंबर रोजी घडलेल्या महत्त्वाच्या घटना
१८६० मध्ये अब्राहम लिंकन यांची अमेरिकेचे १६ वे अध्यक्ष म्हणून निवड झाली. १८८८ मध्ये महात्मा गांधींनी कायद्याचा अभ्यास करण्यासाठी लंडनमध्ये प्रवेश घेतला. १९१३ मध्ये दक्षिण आफ्रिकेत भारतीय वंशाच्या खाण कामगारांच्या आंदोलनाचे नेतृत्व केल्याबद्दल महात्मा गांधींना अटक करण्यात आली. १९५४ मध्ये मुंबई राज्यात बॉम्बे इलेक्ट्रिसिटी बोर्डाची स्थापना झाली. २०१२ मध्ये बराक ओबामा आणि जो बिडेन अनुक्रमे दुसऱ्यांदा अमेरिकेचे अध्यक्ष आणि उपाध्यक्ष म्हणून निवडून आले. २०२४ मध्ये डोनाल्ड ट्रम्प पुन्हा अमेरिकेचे अध्यक्ष म्हणून निवडून आले आणि जेडी व्हॅन्स उपाध्यक्ष म्हणून निवडले गेले.
६ नोव्हेंबर रोजी जन्म दिनविशेष
१८१४ मध्ये सॅक्सोफोन या वाद्याचे जनक अ‍ॅडोल्फ सॅक्स यांचा जन्म झाला. १८६१ मध्ये बास्केटबॉल खेळाचे निर्माते जेम्स नास्मिथ यांचा जन्म झाला. १८९० मध्ये कविभूषण बळवंत गणेश खापर्डे यांचा जन्म झाला. १९६८ मध्ये याहूचे संस्थापक यारी यांग यांचा जन्म झाला.
६ नोव्हेंबर रोजी मृत्यू दिनविशेष
१७६१ मध्ये मराठेशाहीतील प्रसिद्ध राजकारणी महाराणी ताराबाई भोसले यांचे निधन झाले. १९८५ मध्ये प्रसिद्ध अभिनेते संजीव कुमार यांचे निधन झाले. १९८७ मध्ये मराठी रंगभूमीवरील अभिनेते, दिग्दर्शक आणि लेखक प्रा. भालबा केळकर यांचे निधन झाले. १९९२ मध्ये संगीत रंगभूमीवरील गायक आणि अभिनेते जयराम शिलेदार यांचे पुण्यात निधन झाले. २०१३ मध्ये भारतीय शेफ तरला दलाल यांचे निधन झाले.
स्रोत: मूळ बातमी
Leave a Reply