नोव्हेंबर महिना सुरू होत असताना सर्वसामान्यांच्या दैनंदिन खर्चाशी संबंधित काही नियमांमध्ये बदल होणार आहेत. या बदलांची माहिती आधीपासून असणे गरजेचे आहे, कारण त्यांचा थेट परिणाम घरगुती बजेटवर होऊ शकतो. १ नोव्हेंबरपासून लागू होणारे तीन महत्त्वाचे बदल कोणते, ते पाहूया.
जीएसटी रिफंड प्रक्रिया अधिक सोपी
जीएसटी परिषदेने रिटर्न भरण्याची आणि रिफंड मिळवण्याची प्रक्रिया अधिक सोपी करण्याचा निर्णय घेतला आहे. यामुळे व्यावसायिकांना कर नोटिसा आणि रिफंड याबाबत दिलासा मिळणार आहे. जीएसटी रिफंडचे स्वयंचलित मंजुरीचे काम १ नोव्हेंबरपासून सुरू होण्याची शक्यता आहे.
एलपीजी सिलिंडरच्या दरात बदलाची शक्यता
महिन्याच्या पहिल्याच दिवशी एलपीजी सिलिंडरच्या किमतीत बदल होण्याची शक्यता असते. सरकारी तेल कंपन्या प्रत्येक महिन्याच्या पहिल्या तारखेला सिलिंडरच्या दरावर विचारविनिमय करतात आणि नवा दर जाहीर करतात. गेल्या महिन्यात व्यावसायिक गॅस सिलिंडर महाग झाला होता. त्यामुळे या महिन्यात घरगुती सिलिंडरचा दर काय असेल, तो वाढणार की नाही, याकडे सर्वांचे लक्ष लागले आहे.
पेन्शनधारकांसाठी जीवन प्रमाणपत्र
निवृत्तिवेतनधारकांना दरवर्षी जीवन प्रमाणपत्र सादर करावे लागते. ८० वर्षांपेक्षा कमी वय असलेले पेन्शनधारक १ नोव्हेंबरपासून आपले जीवन प्रमाणपत्र जमा करू शकतात. हे प्रमाणपत्र जमा केले नाही तर पेन्शन थांबवले जाते, तर जमा केल्यास पेन्शन सुरू राहते.
स्रोत: मूळ बातमी
Leave a Reply