नाशिक कृषी उत्पन्न बाजार समितीचे अध्यक्ष तथा माजी स्थायी समिती सभापती गणेश गिते यांचा वाढदिवस शुक्रवारी, ३० ऑक्टोबर रोजी औदुंबर लॉन्स येथे विविध सामाजिक उपक्रमांनी साजरा करण्यात आला. राजकीय, सामाजिक, सहकार, व्यापार, बांधकाम, शैक्षणिक आणि उद्योग क्षेत्रातील मान्यवर यावेळी उपस्थित होते.
कार्यक्रमाची सुरुवात गिते यांच्या मातोश्री सुनीता बबनराव गिते आणि भगिनी योगिता काकड यांच्या हस्ते औक्षण करून झाली. वडील बबनराव गिते, चुलते दिगंबर गिते, विधान परिषदेचे आमदार गोकूळ गिते, नगरसेविका दीपाली गिते यांसह अनेक मान्यवर उपस्थित होते. माजी आमदार बाळासाहेब सानप, अनिल कदम, उद्योजक पुंजाभाऊ सांगळे यांसह विविध क्षेत्रांतील मान्यवरांनीही हजेरी लावली.
रक्तदान शिबिरात १०४ पिशव्या संकलित
याप्रसंगी मेट्रो रक्तपेढीच्या सहकार्याने आणि आयोजकांच्या वतीने आयोजित रक्तदान शिबिरात १०४ पिशव्या रक्त संकलित झाले. कार्यकर्त्यांबरोबरच अनेक मान्यवरांनीही रक्तदान केले.
आधार आश्रमातील मुलांचे सादरीकरण
त्र्यंबकेश्वर रोडवरील आत्महत्याग्रस्त शेतकरी कुटुंबातील मुलांच्या आधार आश्रमातील १०० हून अधिक विद्यार्थी व विद्यार्थिनींनी भक्तीगीते, भावगीते, जोगवा आणि प्रात्यक्षिके सादर करत उपस्थितांचे लक्ष वेधून घेतले. त्यांनी गिते यांना वाढदिवसाच्या शुभेच्छाही दिल्या.
स्रोत: मूळ बातमी
Leave a Reply